NOTICE BOARD

ക്ലാസ് പി.ടി.എ യോഗം 2026 സെപ്റ്റംബർ 8 ചൊവ്വാഴ്ച ഉച്ചക്ക് 1.30നു . എല്ലാ രക്ഷിതാക്കളും കൃത്യസമയത്ത് എത്തിച്ചേരുക .

SCROLL TEXT

സ്‌കൂൾ സ്പോർട്സ് 2026 സെപ്റ്റംബർ 10, 11 ദിവസങ്ങളിൽ നടക്കും ------ സ്‌കൂൾ കലോത്സവം 2026 സെപ്തംബര് 14 & 18 ദിവസങ്ങളിൽ . 4ന് ഓഫ് സ്റ്റേജ് മത്സരങ്ങളും 18 സ്റ്റേജ് ഇനങ്ങളും

June 5, 2026

2026 ജൂൺ 5-ന് നമ്മുടെ വിദ്യാലയത്തിൽ ലോക പരിസ്ഥിതി ദിനം വിവിധ പരിപാടികളോടെ ആചരിച്ചു.



2026 ജൂൺ 5-ന് നമ്മുടെ വിദ്യാലയത്തിൽ ലോക പരിസ്ഥിതി ദിനം വിവിധ പരിപാടികളോടെ ആചരിച്ചു.

പരിപാടിക്ക് സ്കൂൾ ഹെഡ്മാസ്റ്റർ ശ്രീ. റോണി സർ സ്വാഗതം ആശംസിച്ചു. തുടർന്ന് വാർഡ് മെമ്പർ ശ്രീ. ഐ. എൻ. ബാബു ജൈവ-അജൈവ മാലിന്യ ബിന്നുകളുടെ ഉദ്ഘാടനം നിർവഹിച്ചു. അദ്ധ്യക്ഷ സ്ഥാനം അലങ്കരിച്ച സ്കൂൾ മാനേജർ ശ്രീ. ഇ. കെ. മാധവൻ സർ പെൻ ബോക്സിന്റെ ഉദ്ഘാടനകർമ്മം നിർവഹിച്ചു.

പി.ടി.എ. വൈസ് പ്രസിഡന്റ് ശ്രീമതി മൃദുല ആശംസകൾ അർപ്പിച്ചു. പരിപാടിയുടെ അവസാനം ഹിബി സർ നന്ദി രേഖപ്പെടുത്തി.

പിടിഎ പ്രിസിഡന്റ്,സുഗന്ധി ടീച്ചർ,മൈത്രിധർമതേജസ്, എന്നിവർ സ്കൂളിലേക്ക് വൃക്ഷതൈകൾ സമ്മാനിച്ചു 

വിദ്യാർത്ഥികൾ അവതരിപ്പിച്ച ഹിന്ദി നൃത്താവിഷ്കാരം പരിപാടിക്ക് കൂടുതൽ ഭംഗി പകർന്നു. കൂടാതെ പരിസ്ഥിതി സംരക്ഷണവുമായി ബന്ധപ്പെട്ട വിവിധ പ്രവർത്തനങ്ങളും സംഘടിപ്പിച്ചു. വിദ്യാർത്ഥികൾ ആവേശപൂർവം പരിപാടികളിൽ പങ്കെടുത്തു.

പരിസ്ഥിതി സംരക്ഷണത്തിന്റെ ആവശ്യകതയെക്കുറിച്ചുള്ള അവബോധം വിദ്യാർത്ഥികളിൽ വളർത്താൻ ഈ ദിനാചരണം ഏറെ സഹായകമായി

June 1, 2026

ആളൂർ എസ്.എൻ.വി.യു.പി സ്‌കൂളിൽ പ്രവേശനോത്സവം 2026 വിപുലമായി നടത്തി

 

ആളൂർ എസ്.എൻ.വി.യു.പി സ്‌കൂളിൽ പ്രവേശനോത്സവം വിപുലമായി നടത്തി

ആളൂർ: ആളൂർ എസ്.എൻ.വി.യു.പി സ്‌കൂളിലെ 2026-2027 അധ്യയന വർഷത്തെ പ്രവേശനോത്സവം ജൂൺ 1 തിങ്കളാഴ്ച വിപുലമായ പരിപാടികളോടെ ആഘോഷിച്ചു. ഈ വർഷം പുതുതായി പ്രവേശനം നേടിയ വിദ്യാർത്ഥികളെ ബലൂണും തൊപ്പിയും നൽകി സ്വീകരിക്കുകയും, തുടർന്ന് സ്‌കൂൾ അങ്കണത്തിൽ അവർക്കായി വർണ്ണാഭമായ റാലി സംഘടിപ്പിക്കുകയും ചെയ്തു.

സ്‌കൂൾ ഹാളിൽ നടന്ന ഔദ്യോഗിക യോഗം ആളൂർ ഗ്രാമപഞ്ചായത്ത് മെമ്പർ ശ്രീ. ഐ.എൻ. ബാബു ഉദ്‌ഘാടനം ചെയ്‌തു. സ്‌കൂൾ മാനേജർ ശ്രീ. ഇ.കെ. മാധവൻ യോഗത്തിൽ അധ്യക്ഷത വഹിച്ചു. കഴിഞ്ഞ അധ്യയന വർഷത്തിൽ LSS സ്‌കോളർഷിപ്പ് നേടിയ മിടുക്കരായ കുട്ടികൾക്കുള്ള ട്രോഫി വിതരണം പി.ടി.എ. പ്രസിഡണ്ട് ശ്രീ. ദിലീപ്‌കുമാർ പി.എസ്. നിർവ്വഹിച്ചു. പ്രവേശനോത്സവത്തിന്റെ ഭാഗമായി സ്‌കൂളിലെ മുഴുവൻ കുട്ടികൾക്കും ലഡു വിതരണം ചെയ്തു.

സ്‌കൂൾ പൂർവ വിദ്യാർത്ഥി സംഘടനയുടെ (OSA) നേതൃത്വത്തിൽ ഒന്നാം ക്ലാസ്സിൽ പ്രവേശനം നേടിയ എല്ലാ വിദ്യാർത്ഥികൾക്കും ആകർഷകമായ സമ്മാനങ്ങൾ നൽകി. യോഗത്തിൽ OSA പ്രസിഡണ്ട് ശ്രീ. എ.ആർ. രാമകൃഷ്‌ണൻ സംസാരിച്ചു. ആളൂർ പോലീസ് സ്റ്റേഷനിലെ സി.പി.ഒ. ആകാശ് കുട്ടികൾക്ക് ആശംസകൾ നേർന്ന് സന്ദേശം നൽകുകയും, കുട്ടികൾക്കായി 'THOOFAAN' നെയിം സ്ലിപ് സ്റ്റിക്കറുകൾ വിതരണം ചെയ്യുകയും ചെയ്തു.

ചടങ്ങിൽ സമാജം സെക്രട്ടറിയായ  ശ്രീ. സുബ്രമണ്യൻ, പി.ടി.എ. വൈസ് പ്രസിഡന്റ് ശ്രീമതി മിഥില സനീഷ്, പ്രീ-പ്രൈമറി ഹെഡ്മിസ്ട്രസ്സ് ശ്രീമതി ഗീത ആർ.വി. തുടങ്ങിയവർ ആശംസകൾ അർപ്പിച്ചു സംസാരിച്ചു. സ്റ്റാഫ് പ്രതിനിധി  *ഹിബി സി.എ. നന്ദി പറഞ്ഞു .പുതിയ അധ്യയന വർഷത്തെ വരവേൽക്കാൻ വിദ്യാർത്ഥികളും അധ്യാപകരും രക്ഷിതാക്കളും ഒത്തുചേർന്നതോടെ പ്രവേശനോത്സവം ഏറെ ശ്രദ്ധേയമായി.




July 28, 2025

'താളും തകരയും' : ഭക്ഷണ പ്രദർശന മേള സംഘടിപ്പിച്ച് ആളൂർ എസ് .എൻ.വി.യു.പി സ്‌കൂൾ

ആളൂർ : കർക്കടക മാസത്തിൽ ഇലക്കറികളുടെ പ്രാധാന്യം മനസ്സിലാക്കുന്നതിനും ആരോഗ്യകരമായ ഭക്ഷണരീതികൾ കുട്ടികളെ പരിചയപ്പെടുത്തുന്നതിനുമായി 'താളും തകരയും' എന്ന പേരിൽ ഭക്ഷ്യയോഗ്യമായ ഇലകൾ ഉപയോഗിച്ചുള്ള ഭക്ഷണ പ്രദർശന മേള സംഘടിപ്പിച്ചു . ആളൂർ ഗ്രാമ പഞ്ചായത്ത് മെമ്പർ ശ്രീമതി സവിത ബിജു ഭക്ഷ്യമേള ഉദ്‌ഘാടനം ചെയ്‌തു . സ്‌കൂൾ മാനേജർ ശ്രീ.ഇ.കെ മാധവൻ അധ്യക്ഷത വഹിച്ചു . SNDP സമാജം ട്രെഷറർ ശ്രീ.ഇ.വി സുബ്രമണ്യൻ , ഹെഡ്മാസ്റ്റർ റോണി കെ മാവേലി , PTA വൈസ് പ്രസിഡന്റ് മിഥില സനീഷ് , അധ്യാപക പ്രതിനിധി ഹിബി .സി.എ തുടങ്ങിയവർ സംസാരിച്ചു . 

 ചീരപ്പായസം, ചേമ്പിൻ താള് കറി , മാവില ജ്യൂസ് , മത്തനില തോരൻ , പത്തിലക്കറി , ചെമ്പരത്തി ചായ , വാഴയില ഹൽവ , ചേമ്പിലയപ്പം , വാഴയില പുഡ്ഡിംഗ് ,വേപ്പിലക്കട്ടി ,ക്യാബേജ് പക്കാവട, മല്ലിയില ജ്യൂസ് തുടങ്ങി ഇരുന്നൂറോളം വൈവിധ്യമാർന്ന ഭക്ഷണ പദാർത്ഥങ്ങളാണ് അവയുടെ പാചകക്കുറിപ്പടക്കം LKG മുതൽ ഏഴാം ക്ലാസ്സുവരെയുള്ള കുട്ടികൾ മേളയ്ക്കായി വീടുകളിൽ നിന്ന് തയ്യാറാക്കി കൊണ്ടുവന്നിരുന്നത് .

 കുട്ടികളെക്കൂടാതെ PTA അംഗംങ്ങളും രക്ഷിതാക്കളും പ്രദർശനമേള കാണാൻ എത്തിയിരുന്നു .പ്രദർശനം കാണുന്നതിനൊപ്പം വൈവിധ്യമാർന്ന ഭക്ഷണപദാർത്ഥങ്ങൾ രുചിച്ചുനോക്കാനും ഏവർക്കും അവസരമുണ്ടായിരുന്നു . ഒന്നാം ക്ലാസ്സിലെ കുട്ടികൾക്കായി മൈലാഞ്ചി ഇടലും വിവിധ ഔഷധസസ്യങ്ങളുടെ പ്രദർശനവും ഇതിനൊപ്പം നടന്നിരുന്നു . കുട്ടികളെ റെഡ് , ബ്ലൂ ,ഗ്രീൻ , യെല്ലോ ഹൗസുകളായി തിരിച്ച് മത്സരാധിഷ്ഠിതമായി പരിപാടി സംഘടിപ്പിച്ചത് കുട്ടികളിൽ ഉത്സാഹമുണ്ടാക്കി .

June 26, 2024

ജൂൺ 26 - അന്താരാഷ്ട്ര_ലഹരി_വിരുദ്ധദിനം

 #ജൂൺ26


എല്ലാ വർഷവും ജൂൺ 26-നാണ് ലോക ലഹരി വിരുദ്ധ ദിനം ആചരിക്കാറുള്ളത്.
വിശാലമായ അർത്ഥത്തിൽ മയക്കുമരുന്നിന്റെ ഉപയോഗത്തിനും അനധികൃത കടത്തിനും എതിരായ സന്ദേശം പ്രചരിപ്പിക്കുന്നതിനായാണ് ഈ ദിനം ആചരിച്ചു പോരുന്നത്.
മയക്കുമരുന്നിന്റെ ഉപയോഗം ഒഴിവാക്കുക , നിയമവിരുദ്ധമായ മയക്കുമരുന്ന് കടത്ത് ഇല്ലാതാക്കുക എന്നിവയാണ് ഈ ദിനാചരണത്തിന്റെ പ്രധാന ലക്ഷ്യങ്ങൾ.


June 25, 2024

FOOD FEST- CLASS 5

 അഞ്ചാം ക്ലാസ്സിലെ സോഷ്യൽ സയൻസ് 'പീലിയുടെ ഗ്രാമം' എന്ന പാഠഭാഗവുമായി ബന്ധപ്പെട്ട പ്രവർത്തനം