ഫിഫ വേൾഡ് കപ്പ് പ്രവചന മത്സര ബമ്പർ സമ്മാന നറുക്കെടുപ്പും സ്കൂൾ ക്ലബ്ബുകളുടെ ഉദ്ഘാടനവും നടത്തി ആളൂർ,ജൂലൈ 21: ആളൂർ എസ്.എൻ.വി.യു.പി സ്കൂൾ ഫിഫ വേൾഡ് കപ്പ് ഫുട്ബോൾ 2026 പ്രവചന മത്സരത്തിലെ ബമ്പർ സമ്മാന നറുക്കെടുപ്പും സ്കൂൾ ക്ലബ്ബുകളുടെ ഉദ്ഘാടനവും നടത്തി. സ്കൂൾ ഹെഡ്മാസ്റ്റർ റോണി കെ മാവേലി സ്വാഗതം ആശംസിച്ച യോഗത്തിന്റെ ഉദ്ഘാടനവും ബമ്പർ സമ്മാന നറുക്കെടുപ്പും ആളൂർ ഗ്രാമ പഞ്ചായത്ത് പ്രസിഡന്റ് ശ്രീമതി റോസിലി ഫ്രാൻസിസ് നിർവ്വഹിച്ചു. ആറാം ക്ലാസ് വിദ്യാർത്ഥിനിയായ അൽവിനിയ കെ. എസ് (6A) നറുക്കെടുപ്പിലൂടെ ബമ്പർ സമ്മാനത്തിന് അർഹയായി. സ്കൂൾ മാനേജർ ശ്രീ.ഇ. കെ. മാധവന്റെ അധ്യക്ഷതയിൽ ചേർന്ന യോഗത്തിൽ സ്കൂൾ ക്ലബ്ബുകളുടെ ഉദ്ഘാടനവും വായന മാസാചരണത്തോടനുബന്ധിച്ച് നടത്തിയ വിവിധ മത്സരങ്ങളിലെ വിജയികൾക്കുള്ള സമ്മാന വിതരണവും വാർഡ് മെമ്പർ ശ്രീ ഐ. എൻ. ബാബു നിർവ്വഹിച്ചു. പി. ടി. എ പ്രസിഡന്റ് ശ്രീമതി മിഥില സനീഷ് ആശംസകൾ അർപ്പിച്ചു സംസാരിച്ചു. ചടങ്ങിന് സ്റ്റാഫ് പ്രതിനിധി ഹിബി സി. എ നന്ദി രേഖപ്പെടുത്തി. സ്കൂൾ അധ്യാപകരും പി. ടി. എ അംഗങ്ങളും വിദ്യാർത്ഥികളും രക്ഷിതാക്കളും പങ്കെടുത്തു.
No comments:
Post a Comment