കുട്ടികളോടുള്ള ലൈംഗിക അതിക്രമം തടയുന്നതിനുള്ള പോക്സോ നിയമത്തെ കുറിച്ച് അറിയേണ്ട കാര്യങ്ങൾ ഉൾപ്പെടുത്തി ഏഴാം ക്ലാസ്സിലെ കുട്ടികൾക്കും അധ്യാപകർക്കും വേണ്ടി 2019 ഡിസംബർ 31 ന് ബോധവൽക്കരണ ക്ലാസ്സ് നടത്തി. അഡ്വ.ആഷ്‌ബിൻ കൃഷ്ണയാണ് ക്ലാസ് നയിച്ചത് .
December 31, 2019
December 26, 2019
എന്താണ് പൗരത്വ ഭേദഗതി ബില്‍? – What is Citizenship Amendment Bill (CAB)?
ബില്‍ ഉള്ളടക്കംഹിന്ദു, സിഖ്, ബുദ്ധ, പാഴ്സി, ജയിൻ, ക്രിസ്ത്യൻ എന്നീ ആറ് ന്യൂനപക്ഷ വിഭാഗക്കാരിൽ ഇന്ത്യയിൽ നിശ്ചിതകാലം താമസിക്കുന്നവർക്ക പൗരത്വം നൽകുന്നതിനാണ് ബിൽ വ്യവസ്ഥചെയ്യുന്നത്.
 |
| പൗരത്വ ഭേദഗതി ബില്ലിന് എതിരെയുള്ള സമരം |
മുസ്ലിങ്ങളെ പരിഗണിക്കില്ല.
ഇതിനായി 1955 മുതലുള്ള പൗരത്വചട്ടത്തിന്റെ 2(1) (ബി) വകുപ്പിൽ പുതിയ വ്യവസ്ഥ എഴുതിച്ചേർക്കും.
ഇവർക്ക് പൗരത്വം ലഭിക്കുന്നതിനുള്ള മാർഗങ്ങൾ എളുപ്പമാക്കും.
എന്നാൽ, ഈ ഭേദഗതികൾ വടക്കുകിഴക്കൻ സംസ്ഥാനങ്ങളിലെ ആദിവാസിമേഖലകളിൽ ബാധകമല്ല. അവിടങ്ങളിൽ കടുത്ത പ്രതിഷേധമുയർന്ന പശ്ചാത്തലത്തിലാണ് ഒഴിവാക്കിയത്.
അരുണാചല്‍ പ്രദേശ്, നാഗാലാന്‍ഡ്, മിസോറം എന്നിവടങ്ങളിലെ ഉള്‍പ്രദേശങ്ങള്‍ ( ഇന്നര്‍ ലൈന്‍ പെര്‍മിറ്റ്) ബില്ലിന്റെ പരിധിയില്‍നിന്ന് ഒഴിവാക്കും. ആദിവാസികളെ സംരക്ഷികാനാണിത്. ആറാം പട്ടികയില്‍ വരുന്ന ആദിവാസിസംരക്ഷണ മേഖലകളെയും ഒഴിവാക്കും.
ഓവര്‍സീസ് സിറ്റിസണ്‍ ഓഫ് ഇന്ത്യ (ഒഐസി) കാര്‍ഡുള്ളവര്‍ ഏതെങ്കിലും നിയമം ലംഘിച്ചാല്‍ വിഷയത്തില്‍ തീരുമാനം എടുക്കുന്നതിന് മുന്‍പ് അവര്‍ക്കു പറയാനുളളതുകൂടി കേള്‍ക്കും.
നിലവിലുള്ള 11 വർഷത്തിനുപകരം അഞ്ചുവർഷം ഇന്ത്യയിൽ തുടർച്ചയായി താമസിച്ചാൽ പൗരത്വത്തിന് അർഹരാകും.
പാകിസ്താൻ, അഫ്ഗാനിസ്താൻ, ബംഗ്ലാദേശ് രാജ്യങ്ങളിൽ ഔദ്യോഗികമതമുണ്ടെന്നും അതിനാൽ ആറ് മതന്യൂനപക്ഷങ്ങൾക്ക് കടുത്ത വിവേചനം നേരിടേണ്ടിവരുന്നുവെന്നും സർക്കാർ വിശദീകരിക്കുന്നു.
December 25, 2019
സ്‌നേഹപൂർവ്വം
കേരള സാമൂഹ്യ സുരക്ഷാ മിഷൻ മുഖേന നടപ്പാക്കുന്ന സ്‌നേഹപൂർവം പദ്ധതിയിൽ അപേക്ഷിക്കാം. അച്ഛനോ അമ്മയോ അല്ലെങ്കിൽ ഇരുവരും മരണമടഞ്ഞതും നിർദ്ധനരായവരുമായ കുടുംബങ്ങളിലെ സർക്കാർ/എയ്ഡഡ് വിദ്യാഭ്യാസ സ്ഥാപനങ്ങളിൽ ബിരുദം/പ്രൊഫഷണൽ ബിരുദം വിദ്യാർത്ഥികൾക്കുള്ള പ്രതിമാസ ധനസഹായ പദ്ധതിയാണ് സ്‌നേഹപൂർവ്വം.
വലയഗ്രഹണം ഡിസംബര്‍ 26-ന്
വലയഗ്രഹണമെന്ന വിസ്മയക്കാഴ്ചയ്ക്ക് അരങ്ങൊരുങ്ങുകയാണ് വരുന്ന ഡിസംബര്‍ 26-ാം തിയതി. എട്ടുവര്‍ഷത്തിനു ശേഷമാണ് വീണ്ടും വലയഗ്രഹണം സംഭവിക്കാന്‍ പോകുന്നത്. കേരളത്തില്‍ മാത്രമാവും ഇത് ദൃശ്യമാവുക. സൂര്യന്‍ ഭംഗിയേറിയ സ്വര്‍ണവലയം പോലെ പ്രത്യക്ഷമാകുന്നതാണ് വലയഗ്രഹണം.
ഇത്തവണ വലയസൂര്യനെ നന്നായി കാണാവുന്നത് കല്‍പറ്റയിലാണ്. എന്നാല്‍ കോടമഞ്ഞിന്റെ സാന്നിദ്ധ്യം കാരണം ദൃശ്യം എത്രമാത്രം വ്യക്തമാവും എന്ന് പറയാനാവില്ല.
കാസര്‍ഗോഡ്, കണ്ണൂര്‍, കോഴിക്കോട്, മലപ്പുറം തുടങ്ങിയ വടക്കന്‍ജില്ലകളിലാണ് സംസ്ഥാനത്ത് വലയം കൂടുതല്‍ ദൃശ്യമാവുക. രാവിലെ 8.05-മുതല്‍ 11.15 വരെയാണ് ഗ്രഹണം. 9.30 ആണ് ഗ്രഹണം ഏറിയ സമയം. കണ്ണു കൊണ്ട് നേരിട്ട് വലയം നോക്കുന്നത് സുരക്ഷിതമല്ല. എക്ലിപ്സ് വ്യൂവേഴ്സ് കണ്ണട ഉപയോഗിക്കാം. ദൂരദര്‍ശിനി വഴി ഫില്‍ട്ടര്‍ ഉപയോഗിച്ചോ സ്‌ക്രീനിലേക്ക് പതിപ്പിച്ചോ കാണാം.
December 20, 2019
ഇൻകം ടാക്സ് - പ്രത്യേകം ശ്രദ്ധിക്കാൻ ;-
2019-20 വർഷത്തെ ആദായനികുതി അടയ്ക്കാൻ നാല് തവണകൾ കൂടിയാണ് ബാക്കിയുള്ളത്. കിഴിവുകൾ കുറച്ച ശേഷം Taxable Income 5 ലക്ഷം വരെയുള്ളവർക്ക് ആദായനികുതി നൽകേണ്ടതില്ല. എന്നാൽ Taxable Income 5 ലക്ഷത്തിൽ കൂടുമ്പോൾ ചുരുങ്ങിയ ടാക്സ് 12,500 രൂപയെങ്കിലും ഉണ്ടാകും. അതിനാൽ ഉണ്ടാവില്ല എന്ന് കരുതി ടാക്സ് കുറയ്ക്കാതിരുന്നവർ ഇപ്പോൾ ഒരിക്കൽ കൂടി ടാക്സ് കണക്കാക്കി നോക്കുന്നത് നന്നാവും. Taxable Income 5 ലക്ഷത്തിനു തൊട്ടു മുകളിൽ ഉള്ളതിനാൽ ടാക്സ് വരുന്നു എങ്കിൽ 80 D പ്രകാരമുള്ള മെഡിക്കൽ ഇൻഷുറൻസ് വഴിയോ 10 E റിലീഫിനു സാധ്യത ഉണ്ടെങ്കിൽ അത് വഴിയോ ടാക്സ് നൽകുന്നതിൽ നിന്നും ഒഴിവാകാൻ പറ്റുമോ എന്നും പരിശോധിക്കാം. അടച്ചു കൊണ്ടിരിക്കുന്നവർക്ക് മാസം തോറും അടയ്ക്കുന്ന തുക പുനർ നിർണയിക്കുകയും ആവാം.
ടാക്സ് കണക്കാക്കുന്നതിനും Income Tax Anticipatory Statement, Final Statement, Form 10 E, Form 12 BB എന്നിവ തയ്യാറാക്കുന്നതിനും സോഫ്റ്റ്‌വെയർ ഉപയോഗിക്കാം.
November 17, 2019
സ്കൂൾ പഠനയാത്ര
ഈ വർഷത്തെ സ്കൂൾ പഠനയാത്ര തിരുവനന്തപുരത്തേക്കായിരുന്നു . ആറ് , ഏഴ് ക്ലാസ്സുകളിലെ 70 ഓളം വിദ്യാർത്ഥികളും 10 അധ്യായമാധ്യാപകരും പി ടി എ അംഗങ്ങളും അടങ്ങുന്ന സംഘമാണ് യാത്രയിൽ ഉണ്ടായിരുന്നത് .
November 15, 2019
പ്രതിഭയെ തേടി.....പ്രതിഭകൾക്കൊപ്പം....
ഞങ്ങളുടെ PTA പ്രസിഡന്റ് Sivadasan Thathampully
നമുക്കിടയിലുള്ളവരെ തന്നെ നാം ആദ്യം അംഗീകരിക്കുകയും ആദരിക്കുകയും വേണ്ടേ.... കുട്ടികൾ ആദ്യം പഠിക്കേണ്ടത് അത് തന്നെ ആണെന്ന് തോന്നി.. അങ്ങനെ ഗായകനും ഗാനരചയിതാവും എഴുത്തുകാരനുമൊക്കെയായ ശിവദാസേട്ടൻ എന്ന പ്രതിഭയെ ഞങ്ങളെല്ലാവരും ചേർന്ന് ആദരിക്കുകയും ഒരു കൊച്ചു സമ്മാനം നൽകുകയും ചെയ്തു......
October 13, 2019
ശാസ്ത്രോത്സവം_2019
ആളൂർ എസ് .എൻ.വി.യു.പി സ്‌കൂളിന്റെ അഭിമാനനേട്ടങ്ങൾ മാള_ഉപജില്ലാ_ശാസ്ത്ര_സാമൂഹ്യശാസ്ത്ര_ഗണിതശാസ്ത്ര_IT_പ്രവൃത്തി_പരിചയമേള_2019
**************************************
1) IT OVERALL FIRST – SNVUPS ALOOR
**************************************
1) IT OVERALL FIRST – SNVUPS ALOOR
2) UP MATHS MAGAZINE FIRST – SNVUPS ALOOR
3) UP SOCIAL OVERALL 3RD – SNVUPS ALOOR
4) IT MALAYALAM TYPING :
DAWN JOSE- FIRST A GRADE
5) UP ELOCUTION -
ASWATHIKRISHNA PREEJU- FIRST A GRADE
3) UP SOCIAL OVERALL 3RD – SNVUPS ALOOR
4) IT MALAYALAM TYPING :
DAWN JOSE- FIRST A GRADE
5) UP ELOCUTION -
ASWATHIKRISHNA PREEJU- FIRST A GRADE
കൈത്താങ്ങ്
പ്രളയബാധിതർക്ക് വിതരണം ചെയ്യാനായി ആളൂർ എസ്. എൻ. വി. യു. പി. സ്കൂളിലെ
വിദ്യാർത്ഥികളും അധ്യാപകരും ശേഖരിച്ച ആവശ്യവസ്തുക്കൾ 23ബറ്റാലിയൻ കേരള NCC
അംഗങ്ങളെ ഏൽപ്പിക്കുന്നു.
മാധവേട്ടന്_ആദരാഞ്ജലികൾ 🌹
#മാധവേട്ടന്_ആദരാഞ്ജലികൾ 🌹
ദീർഘകാലം ആളൂർ എസ്. എൻ. വി. യു. പി സ്കൂൾ പ്യൂൺ ആയി സേവനമനുഷ്ഠിച്ച് 1997ൽ വിരമിച്ച എടത്താടൻ കോന്നി മകൻ മാധവൻ ഇന്നലെ വൈകിട്ട് (ആഗസ്റ്റ് 2)നമ്മോട് വിട പറഞ്ഞു.
ദീർഘകാലം ആളൂർ എസ്. എൻ. വി. യു. പി സ്കൂൾ പ്യൂൺ ആയി സേവനമനുഷ്ഠിച്ച് 1997ൽ വിരമിച്ച എടത്താടൻ കോന്നി മകൻ മാധവൻ ഇന്നലെ വൈകിട്ട് (ആഗസ്റ്റ് 2)നമ്മോട് വിട പറഞ്ഞു.
October 10, 2019
ഇടിമിന്നൽ_ജാഗ്രതാ _നിർദേശങ്ങൾ
കേരളത്തിൽ ഇപ്പോൾ ലഭിക്കുന്ന മഴയോടനുബന്ധിച്ച് ഉച്ചക്ക് 2 മണി മുതൽ വൈകിട്ട് 10 മണിവരെയുള്ള സമയത്ത് ശക്തമായ ഇടിമിന്നലിനുള്ള സാധ്യത ഉണ്ട്.
ഇത്തരം ഇടിമിന്നൽ അപകടകാരികൾ ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ ഒരു സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്.
ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാര്‍മേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്.
ഇടിമിന്നല്‍ ദൃശ്യമല്ല എന്നതിനാല്‍ ഇത്തരം മുന്‍കരുതല്‍ സ്വീകരിക്കുന്നതില്‍ നിന്നും വിട്ടുനില്‍ക്കരുത്.
കുട്ടികളുടെ_പ്രത്യേക_ശ്രദ്ധയ്ക്ക്
- ഉച്ചക്ക് 2 മണി മുതൽ വൈകിട്ട് 10 മണിവരെയുള്ള സമയത്ത് തുറസായ സ്ഥലത്തും, ടെറസ്സിലും കളിക്കുന്നത് ഒഴിവാക്കുക.
തെരഞ്ഞെടുപ്പ് പ്രചാരണവുമായി ബന്ധപെട്ട പ്രസംഗ വേദികളില്‍ ഇടിമിന്നല്‍ ഉള്ള സമയം നിന്നു കൊണ്ടുള്ള പ്രസംഗം ഒഴിവാക്കുക. പ്രാസംഗികര്‍ ഉയര്‍ന്ന വേദികളില്‍ ഇത്തരം സമയങ്ങളില്‍ നില്‍ക്കാതിരിക്കുകയും, മൈക്ക് ഉപയോഗിക്കാതിരിക്കുകയും ചെയ്യുക.
പൊതുനിർദേശങ്ങൾ
- ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക.
- മഴക്കാർ കാണുമ്പോൾ തുണികൾ എടുക്കാൻ ടെറസിലേക്കോ, മുറ്റത്തക്കോ ഉച്ചക്ക് 2 മണി മുതൽ വൈകിട്ട് 10 മണി വരെയുള്ള സമയത്ത് പോകരുത്
- ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക.
- ജനലും വാതിലും അടച്ചിടുക
- ലോഹ വസ്തുക്കളുടെ സ്പർശനമോ സാമീപ്യമോ പാടില്ല. വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക.
- ഫോൺ ഉപയോഗിക്കരുത്‌.
- ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക.
- കഴിയുന്നത്ര ഗൃഹാന്തർ ഭാഗത്ത്‌ ഭിത്തിയിലോ തറയിലോ സ്പർശിക്കാതെ ഇരിക്കുക.
- ഇടിമിന്നലുള്ള സമയത്ത് ടെറസ്സിലോ മറ്റ്‌ ഉയരമുള്ള സ്ഥലങ്ങളിലോ വൃക്ഷ കൊമ്പിലോ ഇരിക്കുന്നത്‌ അപകടകരമാണ്‌.
- വീടിനു പുറത്താണങ്കിൽ വൃക്ഷങ്ങളുടെ ചുവട്ടിൽ നിൽക്കരുത്‌.
- വാഹനത്തിനുള്ളിൽ ആണങ്കിൽ തുറസ്സായ സ്ഥലത്ത് നിർത്തി, ലോഹ ഭാഗങ്ങളിൽ സ്പർശിക്കാതെ ഇരിക്കണം.
- ഇടിമിന്നൽ ഉണ്ടാകുമ്പോൾ ജലാശയത്തിൽ ഇറങ്ങുവാൻ പാടില്ല.
- പട്ടം പറത്തുവാൻ പാടില്ല.
- തുറസ്സായ സ്ഥലത്താണങ്കിൽ പാദങ്ങൾ ചേർത്തുവച്ച്‌ തല കാൽ മുട്ടുകൾക്ക്‌ ഇടയിൽ ഒതുക്കി പന്തുപോലെ ഉരുണ്ട്‌ ഇരിക്കുക.
- ഇടിമിന്നലുള്ള സമയം പുറത്ത്‌ അയയിൽ കിടക്കുന്ന നനഞ്ഞ വസ്ത്രങ്ങൾ എടുക്കാതിരിക്കുക.
- ഇടിമിന്നലിൽനിന്ന് സുരക്ഷിതമാക്കാൻ കെട്ടിടങ്ങൾക്കു മുകളിൽ മിന്നൽ ചാലകം സ്ഥാപിക്കാം. വൈദ്യുതോപകരണങ്ങളുടെ സുരക്ഷക്കായി സർജ്ജ്‌ പ്രോട്ടക്ടര്‍ ഘടിപ്പിക്കാം.
- മിന്നലിന്റെ ആഘാതത്താൽ പൊള്ളൽ ഏൽക്കുകയോ കാഴ്ച്ചയോ കേൾവിയോ നഷ്ടമാവുകയോ ഹൃദയാഘാതം സംഭവിക്കയോ ചെയ്യാം. മിന്നലാഘാതം ഏറ്റ ആളിന്റെ ശരീരത്തിൽ വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാൽ മിന്നലേറ്റ ആളിന്‌ പ്രഥമ ശുശ്രൂഷ നൽകുവാൻ മടിക്കരുത്‌. മിന്നൽ ഏറ്റാല്‍ ആദ്യ മുപ്പത്‌ സെക്കന്റ്‌ സുരക്ഷക്കായിട്ടുള്ള സുവർണ്ണ നിമിഷങ്ങളാണ്‌.
- വളര്‍ത്തു മൃഗങ്ങളെ തുറസായ സ്ഥലത്ത് ഈ സമയത്ത് കെട്ടരുത്. അവയെ അഴിക്കുവാനും സുരക്ഷിതമായി മാറ്റി കെട്ടുവാനും മഴ മേഘം കാണുമ്പോള്‍ തുറസായ സ്ഥലത്തെക്ക് പോകരുത്.
July 26, 2019
താളും_തകരയും - നാടൻ ഭക്ഷ്യമേള
#SNVUPS_ALOOR - 2019 ജൂലൈ 26 വെള്ളി
ആളൂർ : കർക്കടക മാസത്തോടനുബന്ധിച്ച് ആളൂർ എസ് .എൻ .വി.യു.പി.സ്‌കൂളിൽ ഇല വിഭവങ്ങളുടെ പ്രാധാന്യം വിളിച്ചോതുന്ന ഭക്ഷ്യമേളയും പത്തില-ദശപുഷ്പ പ്രദർശനവും നടത്തി . നല്ല ഭക്ഷണം നല്ല ആരോഗ്യം എന്ന സന്ദേശം പ്രചരിപ്പിക്കുന്നതിനായി നൂറിൽ പരം വൈവിധ്യമാർന്ന വിഭവങ്ങളാണ് കുട്ടികളും അധ്യാപകരും പി.ടി.എ അംഗങ്ങളും ചേർന്ന് ഒരുക്കിയിരുന്നത് . സ്കൂൾ മാനേജർ ശ്രീ.ഇ.കെ .മാധവൻ പ്രദർശനം ഉദ്‌ഘാടനം ചെയ്തു . പ്രധാനാധ്യാപിക ശ്രീമതി അദിതി .എം.എ സ്വാഗതം പറഞ്ഞു .ആളൂർ ഗ്രാമപഞ്ചായത്ത് വൈസ് പ്രെസിഡന്റ് ശ്രീ. എ.ആർ.ഡേവിസ് മുഖ്യാതിഥിയായിരുന്നു . പി.ടി.എ പ്രസിഡന്റ ശ്രീ.ടി.എ.ശിവദാസൻ , വികസന സമിതി ചെയർമാൻ ശ്രീ,എടത്താട്ടിൽ മാസ്റ്റർ ,മാതൃസംഘം പ്രസിഡന്റ് ശ്രീമതി പ്രവീണ രാജീവ് എന്നിവർ ആശംസകൾ അർപ്പിച്ചു സംസാരിച്ചു . OSA പ്രതിനിധികൾ ,മാനേജ്‌മെന്റ് പ്രതിനിധികൾ ,രക്ഷിതാക്കൾ , പൊതുപ്രവർത്തകർ നാട്ടുകാർ എന്നിവർ പ്രദര്ശനം കാണാൻ എത്തിച്ചേർന്നിരുന്നു .
Subscribe to:
Posts (Atom)